2019.08.18 Preek nagmaal verbond kontrak. Christus laat ons deel in God se nuwe verbond

Inhoud Hierdie preek wys dat die nagmaal ʼn teken van die nuwe verbond is wat Christus in effek stel en in ons lewe laat werk. In die nuwe verbond onderneem God dat Hy ons God sal wees en dat Hý, nie ons nie, sal sorg dat ons sy kinders sal wees wat Hom liefhet. Die nagmaal kan nie ʼn teken wees van die ou kontrakverhouding waarin ons moet gehoorsaam wees om geseën te word en nie ongehoorsaam moet wees om nie vervloek te word nie. (Deuteronomium 28) Wie die nagmaal ʼn teken van die ou kontrakverhouding met God maak, gebruik die nagmaal onvanpas en stel homself daarmee onder die vloek van die ou kontrakverhouding met God. Wie in die nagmaal met die tekens van brood en wyn hul vereniging en eenheid met Jesus se menswees in die hemel ontvang, gebruik die nagmaal gepas en leef in die seëninge van die nuwe verbond wat die Here met sy bloed beseël.