20180211 Christus het ons gemerk. Daarom kan ons die merk van die Bose op predikante en pastore raaksien

Inhoud Hierdie preek wys dat die dier uit die aarde in Openbaring 13 is dierlike godsdiens. Afgodsdiens is altyd dierlike godsdiens want dit wil God nie liefhê nie, maar God se krag, mag, planne en wil mense se eie krag, mag, planne en wil maak. Die mag van die Bose vir hierdie dierlike godsdiens is pastore, predikante en priesters. Hulle mag is altyd om magtige gemeenskapsleiers se magtigheid te verteenwoordig. Hulle kan herken word as geestelikes wat soos Jesus wil lyk maar soos die duiwel praat as hulle preek: hulle probeer Jesus se liefde uitbeeld maar praat altyd oor goddelike krag en mag. Hierdie geestelikes verplig mense om die merk van die dier te dra: om te leef en te dink soos die dierlike magtiges dit wil hê. Hiervoor maak hulle geestelike magsbeelde op wat hulle met herlewings lewendig maak en met wonders mense van oortuig. Gelowiges leef en dink volgens die liefde van die Vader en Seun en ken hierdie dierlike godsdiens altyd as die mag van die Bose, nie as godsdiens nie.