2018.01.07 Ons sien en aanvaar die owerheid nie soos regerings hul self sien nie maar soos Christus Here is

Inhoud Hierdie preek wys dat gelowiges die gesag van owerhede erken, nie soos regerings hul self sien of in hul self glo nie, maar soos Christus die Here is. Christus is die Here wat die kerk deur die evangelie regeer. Daarom laat die Here nie toe dat die sonde van sy kinders keer dat Hy vir hulle lief is en vir hulle goed is nie. Hy het self hul sondes op Hom geneem sodat niks hulle van God se liefde en goedheid kan skei nie. Die wyse waarop Christus die Here is van wêreldse owerhede maak dat gelowiges die gesag van owerhede aanvaar as ʼn gewetensaak teenoor Christus as Here. Christus gebruik hulle met hul sonde as sy dienaars tot beswil van sy kinders. Hulle wie glo dat Christus hulle aan sy mag onderwerp het, kan nooit die gesag van heidense regerings aanvaar as ʼn gewetensaak teenoor Christus as Here nie. Hulle beveg die regerings as onwettige en onregmatige owerhede in die Naam van God of onderwerp hulle net deur die dwang van hierdie regerings sonder om hul gesag te erken.