2017.12.16 God gee wonderbaarlik uitkoms vir sy kinders deur hul vyande se mag teen hulle self te keer

Inhoud hierdie preek wys dat Purimfees ook net soos die Geloftefees gevier was om God te eer vir sy wonderbaarlike uitkoms uit ʼn dreigende etniese volksmoord. Dit wys verder op die verskil in die wyse waarop God uitkoms gegee het in die Estergeskiedenis teenoor die uitkomste wat die Here van die mag van Israel se vyande gegee het, toe hulle ʼn eie staat, politieke en militêre leiers gehad het. Dit wys dat God net so wonderbaarlik uitkoms kan gee met net ʼn ou man en tienerdogter, as wat Hy dit ʼn weermag en militêre leiers kan doen. God gebruik die sondes van ons vyande, die magte en wette van ons vyande, ons gehoorsaamheid aan Hom en ons bereidheid om vir ons eie gemeenskap se veiligheid en welvaart op te staan en in te staan, om dieselfde vir ons te doen as wat Hy vir ons voorouers by Bloedrivier gedoen het. Daarom moet ons God dank en eer vir die wyse waarop Hy ons by Bloedrivier ʼn toekoms in hierdie land gegee het en op Hom hoop en vertrou om ons vandag uitkoms te kan gee van die staatsvyandigheid teen ons, net soos in die Estergeskiedenis.